جرمني ۾ 8 سال اڳ پناھگير جي حيثيت سان ايندڙ شامي نوجوان ميئر چونڊجي ويو.
پرڏيھي ميڊيا موجب، 29ورھين جو ريان الشبل 2015ع ۾ 21ورھين جي عمر ۾ پناھگير جي طور جرمني آيو ھو ۽ ھاڻي ھو جرمن شھري آھي.
رپورٽ موجب ريان الشبل ڏکڻ جرمن جي ھڪ ڳوٺ جو ميئر چونڊيو ويو آھي.
ريان الشبل آزاد حيثيت سان ميئر جي اليڪشن ۾ حصو ورتو ۽ 55 ڏھائي 41 ووٽ کڻي ڪامياب حاصل ڪئي، ڳوٺ ۾ ووٽرن جو ڪل تعداد 1900 ھو.
ريان الشبل جرمني جي گرين پارٽي جو ڪارڪن بھ ھو پر ھن بلدياتي اليڪشن ۾ آزاد حيثيت ۾ حصو ورتو ۽ 8سالن لاءِ ميئر چونڊجي ويو.
ريان الشبل جو چوڻ آھي تھ علائقي ۾ گھڻا ڪم ڪرڻا آھن، ھو ٻارڙن ۽ بزرگن جي سار سنڀار سميت سپر مارڪيٽ جھڙي بنيادي سھولت تي ڌيان ڏيندو.
