مسلم ليگ جي نائب صدر ۽ چيف آرگنائزر مريم نواز جو چوڻ آهي ته جنهن نواز شريف کي چور چيو ان جو پنهنجو پُٽ به چور نڪتو.
مزدور جي عالمي ڏينهن جي موقعي تي ڪنوينشن سان خطاب ڪندي مريم نواز چيو ته وزيراعظم مشڪل حالتن جي باوجود گهٽ ۾ گهٽ اجرت 35 هزار مقرر ڪئي ، مزدور جي گهٽ ۾ گهٽ اجرت 40 هزار رُپيا هجڻ گهرجي.
مريم نواز جو چوڻ هو ته 2017 تائين پاڪستان ڪامياب ترين معيشتن ۾ شامل هو، فتنو اڄ مزدورن جي نالي تي ريليون ڪڍي رهيو آهي.
سندس جو چوڻ هو ته ثاقب نثار هجي يا فيض حميد سڀ هڪ گينگ جو حصو آهن، جسٽس کوسا چيو مون وٽ اچو مان نواز شريف کي رستي مان هٽايان ٿو.
مريم نواز جو وڌيڪ چوڻ هو ته عمران خان پاڻ جنرل باجوه جي چوڻ تي اسيمبليون ٽوڙيون ، ثاقب نثار اڄ به عمران خان کي آڻڻ لاءِ ننهن چوٽي جا زور لڳائي رهيو آهي.
ن ليگ جي چيف آرگنائز جو چوڻ هو ته عمران خان روز ڪاري بالٽي پائي نڪري ٿو، سياسي ڪارڪن طور شرم اچي ٿي ته ليڊر هميشه سينو کولي ڪري پيش ٿيندا آهن.
