جيڪب آباد ويجهو بلوچستان پوليس جي مغوي جي بازيابي لاءِ آپريشن دوران ڏوهارين جي فائرنگ ۾ سب انسپيڪٽر سميت 6 اهلڪار شهيد ٿي ويا آهن ۽ 3 زخمي پيا آهن.
جاگير واري علائقي ۾ اوستا محمد واسي نوجوان فرقان سومري جي بازيابيءَ آپريشن دوران بلوچستان پوليس تي ڌاڙيلن جديد هٿيارن سان حملو ڪري ڏنو.
فائرنگ ۾ سب انسپيڪٽر طيب حسين عمراڻي، ڪانسٽيبل نثار احمد ۽ عبدالوهاب شهيد ٿي ويا ۽ 3 اهلڪار مرڻينگ ٿي پيا.
شهيد ٿي ويل پوليس اهلڪارن ۽ زخمين کي ڳڻتي جوڳي حالت ۾ مقامي اسپتال منتقل ڪيو ويو.
ذريعن جو چوڻ آهي ته پوليس جي وڌيڪ نفري طلب ڪئي وئي آهي، علائقي کي ڪڙو چاڙهي آپريشن ڪيو پيو وڃي.
واضح رهي ته روجهاڻ جمالي مان اغوا ٿي ويل نوجوان فرقان سومري جي بازيابي لاءِ بلوچستان پوليس پاران جيڪب آباد جي جاگير واري علائقي ۾ آپريشن ڪيو ويو هو.
