وزيراعظم جي خاص مددگار عطا تارڙ چيو آهي ته جيڪڏهن بينچون ائين ئي ٺهنديون ۽ ٽوڙيون وينديون ته اداري جي ساک ختم ٿي ويندي، ون مين شو هلي رهيو آهي، عوام ان کي نه مڃيندو.
ميڊيا سان ڳالهائيندي عطا تارڙ چيو ته آئيني تشريح جي سمورن معاملن تي قوم ڀروسو ڪري ٿي، چار ٽي جي فيصلي کي نه مڃيو ويو، اداري جي ڪهڙي ساک رهجي وئي.
سندس چوڻ هو ته پڌرنامي جو رواج پهريون ڀيرو ڏسڻ ۾ آيو آهي، فل ڪورٽ جوڙڻ هاڻي ضروري ٿي ويو آهي، چار ٽي جي تڪرار جو حل به هاڻي ضروري ٿي ويو آهي.
وزيراعظم جي خاص مددگار عطا تارڙ چيو ته ماڻهو چئي رهيا آهن ته معاملو استعيفيٰ ڏانهن وڃي رهيو آهي، ٻه تارڙ سرگرم آهن، بازي ۾ پهريون هڪ هو هاڻي ٻه ٿي ويا آهن، جيڪي آئين جي بالادستي لاءِ بيٺل آهن، تڏهن به تارڙ بيٺو هو اڄ به بيٺل آهي، ماڻهو الزام لڳائيندا آهن، طرح طرح جون ڳالهيون ڪندا آهن، هو ته قسم کڻڻ لاءِ تيار آهي.
