اڳوڻي وزيراعظم نوازشريف، ڪي پي ۽ پنجاب ۾ چونڊن بابت ڪيس ۾ فل ڪورٽ جوڙڻ جو مطالبو ڪندي چيو آهي ته ٽن ججن جي بئنچ هر فيصلو سندس خلاف ڏنو، معاملي کي ٻڌڻ لاءِ فل ڪورٽ جوڙي وڃي.
لنڊن ۾ نيوز ڪانفرنس ڪندي نوازشريف چيو ته 2017ع ۾ ماڻهو پيٽ ڀري ماني کائيندا هئا، قوم اکيون هاڻي وڏي ويڌن ٿي رهي آهي.
هن چيو ته 2017ع ۾ هنن لوڊشيڊنگ ختم ڪري ڇڏي هئي، قوم کي پينو فقير بڻايو ويو آهي، بئنچن جي فيصلن ۾ پاڪستان کي تباهيءَ تائين پهچائي ڇڏيو آهي، رٽائرڊ ٿيل جج قوم کي جواب ڏين ته کيس نااهل ڇو ڪيو ويو؟
نوازشريف چيو ته غريب وٽ دوائن لاءِ پيسا نه هئا، هڪ شخص خاطر فيصلا ٻڌايا پيا وڃن، جسٽس شوڪت عزيز صديقي ۽ جنرل رٽائرڊ باجوه جي ڳالهين تي پاڻمرادو نوٽيس نه ٿو ٺهي؟
اڳوڻي وزيراعظم چيو ته قوم عهد ڪري ته اهڙا فيصلا ٿيڻ ناهن ڏيڻا، چونڊن بابت درخواستن تي ٻڌڻيءَ لاءِ فل ڪورٽ جوڙي وڃي.
