قانون واري وفاقي وزير، اعظم نذير تارڙ چيو آهي ته حساس ۽ اهم معاملي تي تڪڙ ۾ فيصلو ٻڌايو ويو ته تسليم نه ڪيو ويندو، اداري اندران اٿندڙ آوازن کي نظرانداز نه ٿو ڪري سگهجي، اٽارني جنرل چيو ته انهن ججن تي ٻڌل 6 رڪني بئنچ جوڙي وڃي، جيڪي ان بئنچ ۾ شامل نه هئا، هاڻي خبر اچي وئي آهي ته فيصلو محفوظ ڪيو ويو آهي ته جيڪو سڀاڻي ٻڌايو ويندو.
قومي اسيمبلي جي اجلاس کي خطاب ڪندي اعظم نذير تارڙ چيو ته سپريم ڪورٽ ۾ سياسي پارٽين جا نمائندا عدالت ۾ پيش ٿيا ته ناراضگيءَ جو اظهار ڪيو ويو.
هن چيو ته سپريم ڪورٽ جو حڪم موجود آهي پر ان کي ايگزيڪيٽو آرڊر ذريعي معطل ڪيو ويو، ان معاملي تي قانوني لڏي ۾ سخت بيچيني آهي.
اعظم نذير تارڙ چيو ته بي اعتماديءَ جي اظهار باوجود بئنچ معاملن کي اڳتي ڪيو ويو، سندن گذارش هئي ته اهڙي بئنچ قائم ڪئي وڃي، جيڪا سڀني کي قبولڻ جوڳي هجي.
وفاقي وزير چيو ته اداري اندران اٿندڙ آوازن کي نظرانداز نه ٿو ڪري سگهجي، اٽارني جنرل چيو ته انهن ججن تي ٻڌل 6 رڪني بئنچ جوڙي وڃي، جيڪي ان بئنچ ۾ شامل نه هئا، هاڻي خبر اچي وئي آهي ته فيصلو محفوظ ڪيو ويو آهي ته جيڪو سڀاڻي ٻڌايو ويندو.
قانون واري وفاقي وزير چيو ته ايڏي حساس ۽ اهم معاملي تي تڪڙ ۾ فيصلو ٻڌايو ويو ته تسليم نه ڪيو ويندو، هٿ ٻڌي درخواست آهي ته پهريان پنهنجو گهر ٺيڪ ڪيو وڃي.
اعظم نذير تارڙ چيو ته ادارا پنهنجي عمل سان عزت ڪرائيندا آهن، پر اداري مان اٿندڙ آوازن کي دٻايو پيو وڃي.
قانون واري وفاقي وزير چيو ته چيف جسٽس اڄ به چيو ته سياسي پارٽيون پاڻ فيصلو ڪن.
