سي ٽي ڊي حيدرآباد ٽنڊو ڄام ڪارروائي ڪندي پابندي مڙهيل تنظيم جي جوابدار کي گرفتار ڪري ورتو .
سي ٽي ڊي جي ترجمان موجب ڳجهي اطلاع تي ٽنڊي ڄام جي ڪريم آباد ڪالوني ۾ ڇاپو هڻي عزيز الله عرف پاجو افغاني کي گرفتار ڪيو ويو.
سي ٽي ڊي ترجمان موجب، گرفتار جوابدار عزيز الله عرف پاجو افغاني جو تعلق پابندي مڙهيل مذهبي جماعت سان آهي.
سي ٽي ڊي ترجمان جو وڌيڪ چوڻ آهي ته گرفتار جوابدار پابندي مڙهيل جماعت جي دهشتگردن جي سهولتڪاري ۽ مالي مدد ڪندو هو، سندس خلاف ڪيس داخل ڪري وڌيڪ جاچ ڪئي پئي وڃي.
