حيدرآباد ۾ ڇتي ڪتي جي ڏاڙهڻ سبب هڪ نينگري ۽ پيرسن فوت ٿي ويا ۽ ٻه نينگريون زخمي ٿي پيون، زخمين کي طبي امداد لاءِ اسپتال منتقل ڪيو ويو.
سائيٽ واري علائقي ۾ ڇتي ڪتي نينگري مروه ۽ پيرسن عبدالله سميت چئن ڄڻن کي ڏاڙهي زخمي ڪري ڇڏيو.
وارثن زخمين کي کڻائي اسپتال منتقل ڪيو، جتي ٻارڙي مروه ۽ بزرگ عبدالله زخمن جي سٽ نه سهندي فوت ٿي ويا، جڏهن ٻن زخمي نينگرين کي ويڪسين ڪئي وئي.
علائقي واسين جو چوڻ آهي ته ڪتي ٻارڙي مروه تي حملو ڪيو ته پيرسن کيس بچائڻ لاءِ پهتو ته ڪتي ان تي به حملو ڪري کيس زخمي ڪري ڇڏيو.
علائقي واسين جو چوڻ آهي ته انتظاميا پاران ڪتا مار مهم شروع نه ڪرڻ سبب ڪيتريون ئي قيمتي جانيون ضايع ٿي چڪيون آهن.
