حڪمران اتحاد سپريم ڪورٽ جي 8 رڪني بينچ کي رد ڪري ڇڏيو، جاري ڪيل پڌرائي ۾ چيو ويو آهي ته سپريم ڪورٽ جي جوڙيل تڪراري بينچ واري قدم کي رد ڪريون ٿا، ملڪي ۽ عدالتي تاريخ ۾ اهڙو قدم پهريان ڪڏهن ڏسڻ ۾ ناهي آيو، اهو سپريم ڪورٽ جي ساک ختم ڪرڻ ۽ آئيني عمل کي بي معنيٰ ڪرڻ برابر آهي.
جاري ڪيل گڏيل پڌرائي ۾ چيو ويو آهي ته حڪمران اتحاد سپريم ڪورٽ پروسيجر اينڊ پريڪٽس بل بابت جوڙيل تڪراري بينچ واري قدم کي رد ڪري ٿو.
جاري ڪيل گڏيل پڌرائي موجب، اهڙي نوعيت جا قدم ملڪي ۽ عدالتي تاريخ ۾ ان کان اڳ ڪڏهن ڏسڻ ۾ ناهي آيا، اهو ملڪ جي اعليٰ ترين عدالت جي ساک ختم ڪرڻ ۽ انصاف جي آئيني عمل کي بي معنيٰ ڪرڻ برابر آهي.
گڏيل پڌرائي ۾ چيو ويو آهي ته سپريم ڪورٽ جي ورهاست سان حڪومت ۾ شامل پارٽين جي موقف جي ٻيهر سچ ثابت ٿيو آهي، بلوچستان ۽ خيبرپختونخوا مان ڪوبه به جج بينچ ۾ شامل نه ڪرڻ به افسوسناڪ آهي.
جاري ڪيل گڏيل پڌرائي موجب، حڪمران پارٽيون اهڙي قدم کي پارليامينٽ ۽ ان جي اختيار تي راتاهو قرار ڏين ٿيون اهڙي قدم جي ڀرپور مذمت ڪئي ويندي.
حڪمران اتحاد جي پڌرائي ۾ چيو ويو آهي ته پارليامينٽ جا اختيار کسڻ ۽ ان جي آئيني دائري ۾ مداخلت جي ڪوشش جي مزاحمت ڪئي ويندي، ملڪي آئين جي روشني ۾ پارليامينٽ جي اختيارتي ڪوبه ٺاهه نه ڪيو ويندو.
جاري ڪيل گڏيل پڌرائي موجب، تڪراري بينچ جوڙيل سان نيت ۽ ارادي کانسواءِ ايندڙ فيصلي جو به واضح اظهار ٿي وڃي ٿو، بل کي ٻڌڻي لاءِ مقرر ڪرڻ سان نيت ۽ ارادي کانسواءِ ايندڙ فيصلي جو به واضح اظهار ٿي رهيو آهي جيڪو افسوسناڪ، عدل ۽ انصاف جي قتل برابر آهي.
حڪمران اتحاد جي پڌرائي ۾ چيو ويو آهي ته تڪراري بينچ تي پاڪستان بار ڪائونسلز جو بيان واضح ثبوت آهي ته ته اهو قدم نه رڳو عدل ۽ انصاف جي ابتڙ پر عدالتي طريقيڪار ۽ اصولن جي خلاف آهي.
جاري ڪيل پڌرائي موجب، 12 آڪٽوبر 2019ع تي لاهور ۾ آل پاڪستان وڪيلن جي ڪنوينشن ٺهراءُ منظور ڪري پارليامينٽ کان مطالبو ڪيو هو ته اهو قانون منظور ڪيو وڃي سڄي ملڪ جي وڪيل برادري ان مطالبي تي عمل ڪندي پارليامينٽ سان لاڳاپيل قانون منظور ڪيو.
حڪمران اتحاد جي پڌرائي ۾ چيو ويو آهي ته پارليامينٽ جو اختيار کسڻ ۽ ان جي آئيني دائري ۾ مداخلت جي هر ڪوشش جي ڀرپور مزاحمت ڪئي ويندي، ملڪي آئين جي روشني ۾ پارليامينٽ جي اختيار تي ڪوبه ٺاهه نه ڪيو ويندو.
