عوامي مسلم ليگ جي سربراهه شيخ رشيد چيو آهي ته آرمي چيف جنرل عاصم منير جو چين جو دورو انتهائي اهم آهي ۽ ملڪ جي پرڏيهي پاليسي جو پتو لڳائيندو.
سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ شيخ رشيد چيو ته حڪومت عدليا کي ڌمڪيون ڏيڻ بدران آئين ۽ قانون جو احترام ڪري.
سندس چوڻ هو ته هي آئين ۽ قانون جي پڪڙ ۾ پهريان ئي پاڻ اچي چڪا آهن، اليڪشن ۾ وڃڻ سياسي آپگهات ڪرڻ کان بهتر آهي، مولانا فضل الرحمان اتي وٺي وڃي ماريندو جتي ڪير به نه بچائيندو.
عوامي مسلم ليگ جي سربراهه شيخ رشيد چيو ته آصف علي زرداري، بلاول ڀٽو زرداري کي وزيراعظم ڏسڻ چاهي ٿو پر اپريل مهيني ۾ غربت سبب ٺٽي جي سامونڊي پٽيءَ ۾ 41 ماڻهن آپگهات ڪيو، سموري شريف فيملي گهر جي چوديواري اندر عيدالفطر جي نماز ادا ڪئي.
هن چيو ته آصف زرداري ناڪامي جو سمورو ٻوجهه شهباز شريف تي وجهي ڇڏيو آهي پاڻ نيڪ بڻجي ويهي رهيو آهي، اليڪشن سڄي ملڪ ۾ ٿي يا پنجاب ۾ ٿي رهندي.
سندس چوڻ هو ته بلاول ڀٽو زرداري نه سڄي دنيا مان 5 ڊالر امداد آندي نه آءِ ايم ايف سان مسئلو حل ڪرايو، عدليا جي ڪردار ڪشي ڪئي پئي وڃي.
عوامي مسلم ليگ جي سربراهه شيخ رشيد چيو ته وزيراعظم شهباز شريف، وفاقي گهرو وزير، قانون وارو وفاقي وزير ۽ مولانا فضل الرحمان سامان ٻڌي ڇڏين، قوم ڇوٽڪاري جي ڏهاڙي جي تياري ڪري، عدليا جو فيصلو نه مڃيو ويو ته عمران خان سڏ ڏيندو ۽ قوم روڊن تي هوندي.
