خواجا آصف هوائي حدن جي بندش سبب نقصانن جا تفصيل قومي اسيمبليءَ ۾ پيش ڪري ڇڏي

بچاءَ واري وزير خواجا آصف حق جي جنگ کانپوءِ هوائي حدن جي بندش سبب نقصانن جا تفصيل قومي اسيمبليءَ ۾ پيش ڪري ڇڏيا. خواجا آصف جو چوڻ آهي ته حق جي جنگ کانپوءِ سمورن ڀارتي جهازن جي پاڪستاني هوائي حدن جي استعمال تي پابندي لڳائي وئي، ڀارت به پاڪستان لاءِ پنهنجون هوائي حدون بند ڪري ڇڏيون. هن چيو ته پاڪستان طرفان پنهنجون هوائي حدون بند ڪرڻ سان روزانو 100 کان ڏيڍ سئو ڀارتي جهاز متاثر ٿيا، ڀارتي ايئر لائن لاءِ هوائي حدن جي بندش سبب پاڪستان ايئر پورٽس اٿارٽي کي 24 اپريل کان 30 جون تائين 4 ڏهائي هڪ ارب رپين جو نقصان ٿيو. بچاءَ واري وزير چيو ته 2019ع ۾ هوائي حدن جي بندش جي نتيجي ۾ 7 ڏهائي 6 ارب رپين جو نقصان ٿيو هو. خواجا آصف چيو ته هوائي حدن جي بندش سبب پاڪستان کي مالي نقصان برداشت ڪرڻو پيو، جڏهن ته قومي خودمختاري، دفاع ۽ ملڪ جو تحفظ سندن پهرين ترجيح آهي. هن چيو ته هن وقت ڀارت کانسواءِ پاڪستان جون هوائي حدون سمورن ايئر لائنن لاءِ دستياب آهن، پاڪستاني ايئر لائنز ۽ جهازن تي به ڀارتي هوائي حدن ۾ اڏام تي پابندي آهي……….