فائيل.
تنوير الياس جي نااهلي کانپوءِ خواجا فاروق آزاد ڪشمير جو وقتي وزيراعظم بڻجي ويو.
توهين عدالت ڪيس ۾ آزاد ڪشمير جي وزيراعظم سردار تنوير الياس جي نااهلي کانپوءِ سينيئر وزير خواجا فاروق وقتي وزيراعظم بڻجي ويو.
خواجه فاروق نئين وزيراعظم جي چونڊ تائين پنهنجا فرض سرانجام ڏيندو، آزاد ڪشمير جي صدر بئريسٽر سلطان محمود سمري تي صحيح ڪري چيف سيڪريٽري ڏانهن موڪلي ڇڏي.
هوڏانهن سردار تنويرالياس اڄ آزاد ڪشمير جي سپريم ڪورٽ ۾ نااهلي خلاف اپيل داخل ڪرڻ جو اعلان ڪيو آهي.
واضح رهي ته گذريل ڏينهن آزاد ڪشمير جي هائيڪورٽ طرفان آزاد ڪشمير جي وزيراعظم سردار تنوير الياس کي توهين عدالت ڪيس ۾ سزا ٻڌائي هئي.
عدالت آزاد ڪمشير جي وزيراعظم کي عدالت ختم ٿيڻ تائين سزا ٻڌائي۽ کيس ڪنهن به عوامي عهدي لاءِ نااهل قرار ڏنو هو.
آزاد ڪشمير جي تاريخ ۾ پهريون ڀيرو ڪنهن وزيراعظم کي توهين عدالت تي نااهل ڪيو ويو آهي.
