خيرپور پوليس سينيئر صحافي اصغر کنڊ جي قتل ۾ ملوث مک جوابدار کي گرفتار ڪرڻ جي دعوى ڪئي آهي، پوليس جو چوڻ آهي ته پڇا ڳاڇا دوران گرفتار جوابدار، صحافي کي قتل ڪرڻ جو اعتراف ڪيو آهي.
پوليس موجب، ڳجهي اطلاع تي احمد پور ٿاڻي جي حد درگاهه پير شهبازي ڀرسان ڪارروائي ڪري جوابدار علي گل کنڊ کي گرفتار ڪيو آهي.
پوليس جو وڌيڪ چوڻ هو ته پڇا ڳاڇا دوران جوابدار ڏوهه جو اعتراف ڪيو آهي.
پوليس جو چوڻ آهي ته گرفتار جوابدار جي قبضي مان واردات ۾ استعمال ٿيل پسٽل پڻ هٿ ڪيو آهي.
پوليس موجب، جوابدار شروعاتي بيان ۾ ٻڌايو ته مقتول اصغر کنڊ 1998 ۾ سندس والد مير محمد کنڊ کي قتل ڪيو هو، ان جو بدلو وٺڻ لاءِ پسٽل جا فائر ڪري کيس قتل ڪيو.
واضع رهي ته ٻه ڏينهن احمد پور ٿاڻي جي حد ڳوٺ امير بخش چانڊي ۾ هٿياربندن سينيئر صحافي غلام اصغر کنڊ کي سندس اوطاق ڀرسان گوليون هڻي قتل ڪيو هو.
