قانون واري وفاقي وزير اعظم نذير تارڙ چيو آهي ته عدالتي فيصلي سان وڌيڪ بحران پيدا ٿيندو، ٽه رڪني بئنچ جي فيصلي تي ڏک ۽ افسوس جو اظهار ڪري سگهجي ٿو، قاضي فائز عيسيٰ جي فيصلي بابت بئنچ قائم ٿيڻ موقف جي ڪاميابي آهي.
سپريم ڪورٽ جي فيصلي کانپوءِ ميڊيا سان ڳالهائيندي قانون واري وفاقي وزير اعظم نذير تارڙ چيو ته چونڊ تاريخ جي فيصلي سان گڏ هڪ وڌيڪ بئنچ جوڙي وئي آهي، عدالت سرڪلر يا ايگزيڪيٽو آرڊر بدران 6 رڪني بئنچ جوڙي آهي.
قانون واري وزير چيو ته پاڻمرادو نوٽيس چار ٽي سان رد ٿيو هو، انتهائي اهم معاملي کي حل ڪرڻ لاءِ فل ڪورٽ اجلاس گهرائڻ جو مطالبو ڪيو ويو آهي، مونجهارو ختم ڪرڻ لاءِ فل ڪورٽ ويهارڻ گهرجي هائ
هن چيو ته سڪيورٽي ۽ معاشي سان گڏ سياسي ۽ قانوني بحران به شامل ڪيا ويا آهن، سپريم ڪورٽ حڪومت جون سموريون درخواستون رد ڪري ڇڏيو، حڪومت اتحاد سپريم ڪورٽ جي معاملن مان مطمئن ناهي.
قانون واري وزير چيو ته سينيئر ججن کي عدالتي معاملن کان ڇو ڌار ڪيو پيو وڃي؟ چيف جسٽس کي درخواست آهي ته معاملن جي حل لاءِ فل ڪورٽ اجلاس گهرايو وڃي، اداري کي متحد ڪرڻ وقت جي ضرورت آهي، تارازيءَ پڙ برابر هوندا ته قانون ۽ انصاف جو مان مٿانهون ٿيندو.
