پاڪ فوج جي ترجمان چيو آهي ته دشمن جيڪو ڪم 75 ورهين ۾ نه ڪري سگهيو اهو اقتدار جي هوس ۾ مبتلا هڪ سياسي لباس پهريل ٽولي ڪري ڏيکاريو، چڱيءَ ريت خبر آهي ته ان پويان پارٽيءَ جي ڪجهه شرپسند قيادت جون هدايتون ۽ رٿابندي آهي، سندن سڃاڻپ ڪئي وئي آهي، ملوث ڪردارن خلاف قانون موجب سخت ڪارروائي ڪئي ويندي ۽ سمورا شر پسند نتيجن جا ذميوار پاڻ هوندا.
جاري ڪيل بيان ۾ آءِ ايس پي آر چيو ته آءِ ايس پي آر چيو ته 9 مئي جو ڏينهن هڪ ڪاري باب جيان ياد رکيو ويندو.
بيان ۾ چيو ويو ته پي ٽي آءِ چيئرمين کي نيب جي پڌرائي موجب اسلام آباد هائيڪورٽ مان قانون موجب حراست ۾ ورتو ويو.
آءِ ايس پي آڙ چيو ته گرفتاريءَ بعد هڪ منظم طريقي سان فوج جي ملڪيتن ۽ ٿاڪن تي حملا ڪرايا ويا ۽ فوج مخالف نعريبازي ڪرائي وئي.
پاڪ فوج جي ترجمان چيو ته هڪ طرف شرپسند عنصر پنهنجن مقصد لاءِ عوام جا جذبا اڀارن ٿا ۽ ٻئي پاسي فوج جي اهميت کي اجاگر ڪندي ٻٽي معيار جو مثال ڏين ٿا.
آءِ ايس پي آر چيو ته جيڪو ڪم ملڪ جا دشمن 75 ورهين ۾ نه ڪري سگهيا، اهو اقتدار جي هوس ۾ مبتلا هڪ سياسي لباس پهريل ٽولي ڪري ڏيکاريو.
پاڪ فوج جي ترجمان چيو ته فوج انتهائي صبر ۽ بردباريءَ جو مظاهرو ڪيو ۽ ملڪ جي وسيع مفاد خاطر برداشت ڪيو.
آءِ ايس پي آر چيو ته رٿابنديءَ سان پيدا ڪيل ان صورتحال سان ڪريل ڪوشش ڪئي وئي ته فوج رد عمل ڏي.
پاڪ فوج جي ترجمان چيو ته ان ٽولي فوج جي رد عمل کي سياسي مقصدن لاءِ استعمال ڪرڻ چاهيو پر فوج ڏاهپ سان ان سازش کي ناڪام بڻايو.
آءِ ايس پي آر موجب چڱيءَ ريت خبر آهي ته ان پويان پارٽيءَ جي ڪجهه شرپسند قيادت جون هدايتون ۽ رٿابندي آهي.
جاري ڪيل بيان ۾ آءِ ايس پي آر چيو ته ان عمل ۾ جيڪي مددگار، رٿابندي ڪندڙ ۽ سياسي اڳواڻ آهن انهن جي سڃاڻپ ڪئي وئي آهي.
آءِ ايس پي آر موجب ملوث ڪردارن خلاف قانون موجب سخت ڪارروائي ڪئي ويندي ۽ سمورا شر پسند نتيجن جا ذميوار پاڻ هوندا.
