دهشتگردي ملڪ لاءِ ناسور بڻجي چڪي آهي، دهشتگردن کي هر قيمت تي شڪست ڏني ويندي، دهشتگردن جو آخري حد تائين پيڇهو ڪيو ويندو.
قومي سلامتي بابت پارلياماني ڪميٽي جي اجلاس کي خطاب ڪندي وزيراعظم شهباز شريف چيو ته سياسي اختلاف هڪ پاسي تي رکي دهشتگردي جي خاتمي لاءِ سڀ هڪ پيج تي آهن.
هن چيو ته دهشتگردي خلاف جنگ ۾ سموري قوم متحد آهي، سڪيورٽي فورسز ملڪ ۾ امن قائم ڪرڻ لاءِ قربانيون ڏئي رهيون آهن، شهيدن ۽ سڪيورٽي فورسز جي قربانين کي وساري نه ٿو سگهجي.
سندس چوڻ هو ته ملڪي غير معمولي حالتن مان گذري رهيو آهي، بلوچستان ۽ ڪي پي جون حالتون سڀني سامهون آهن.
وزيراعظم شهباز شريف چيو ته قومي سلامتي بابت پارلياماني ڪميٽي جو اجلاس گهرائڻ جو مقصد هو ته سياستدان دهشتگرديءَ خلاف جنگ ۾ متحد آهن.
هن چيو ته سڪيورٽي فورسز دهشتگردي خلاف جنگ ۾ مسلسل قربانيون ڏئي رهيون آهن.
سندس چوڻ هو ته موجوده حالتن ۾ پارليامينٽ، حڪومت، رياست سميت سڀني کي اتحد ۽ ٻڌيءَ جو مظاهرو ڪرڻ گهرجي.
وزيراعظم شهباز شريف چيو ته ملڪ کي دهشتگردي کان پاڪ ڪيو ويندو.
