بالي ووڊ اداڪارا پرينيتي چوپڙا عام آدم پارٽي جي اڳواڻ ۽ ڀارتي راجيا سڀا جي ننڍي عمر واري ميمبر راگهو چڍا سان رشتي جي حوالي سان ميڊيا ۾ هلندڙ خبرن تي خاموشي ٽوڙي ڇڏي.
پرينيتي چوپڙا ۽ راگهو چڍا جي رشتي بابت افواهه ميڊيا جي زيبت بڻيل آهن، ڪڏهن سندن جلد شادي ته ڪڏهن مڱڻي جي تاريخ جي حوالي سان دعويٰ ڪئي پئي وڃي.
راگهو چڍا ۽ پرينيتي چوپڙا پراڻا دوست آهن، ٻنهي لنڊن اسڪول آف اڪنامڪس ۾ گڏئي تعليم حاصل ڪئي هئي.
اڳ به ٻنهي کي ڪيترائي ڀيرا گڏ هوٽل ۾ ڏٺو ويو ۽ وڊيوز وائرل ٿيڻ بعد ٻنهي جي رشتي جي حوالي سان افواهه هليا پر ٻنهي طرفان تصديق يا ترديد نه ڪئي وئي هئي.
هاڻي اداڪارا پرينيتي چوپڙا جو راگهو چڍا سان رشتي جي حوالي سان افواهن تي رد عمل سامهون آيو آهي، اداڪارا جو چوڻ آهي ته ميڊيا سندس ذاتي زندگي ۾ ٿيندڙ بحث ۽ ان جي حد کي پار ڪرڻ وچ ۾ هڪ ننڍي لڪير آهي، ان ننڍي لڪير کي پار ڪري گهڻو ذاتي ۽ بي عزت ٿي وڃي ٿو.
هن چيو ته هو تڏهن ئي معاملن کي واضح ڪندي جڏهن غلط فهمي ظاهر ٿئي، جيڪڏهن نه آهي ته هو پنهنجي ذاتي معاملن کي نجي ئي رکندي.
پرينيتي جو چوڻ هو ته هوءَ ڪڏهن به پنهنجي زندگي ڪم يا ڪم لاءِ زندگي کي قربان نه ڪندي.
