سپريم ڪورٽ جي جج جسٽس قاضي فائز عيسيٰ چيو آهي ته رجسٽرار وٽ عدالتي حڪم ڪالعدم قرار ڏيڻ جو ڪو به اختيار ناهي، سندس سرڪلر سپريم ڪورٽ جي فيصلي جي ڀڃڪڙي آهي.
سپريم ڪورٽ جي رجسٽرار کي لکيل خط ۾ جسٽس قاضي فائز عيسيٰ چيو ته چيف جسٽس به جڊيشل آرڊر خلاف ڪو انتظامي آرڊر جاري نه ٿو ڪري سگهي.
هن چيو ته رجسٽرار جو 31 مارچ وارو سرڪلر سپريم ڪورٽ جي ٽي رڪني بئنچ جي فيصلي جي ڀڃڪڙي آهي.
جسٽس قاضي فائز عيسيٰ خط ۾ لکيو ته سينيئر آفيسر طور اوهان کي پنهنجي آئيني ذميواري جو احساس هجڻ گهرجي.
جسٽس قاضي فائز عيسيٰ رجسٽرار عشرت علي کي عهدي جي چارج ڇڏڻ جي به صلاح ڏني.
جسٽس قاضي فائز رجسٽرار کي هدايت ڪئي ته هو فوري طور سرڪرلر واپس وٺي، سندس رويو ظاهر ڪري ٿو ته جپ رجسٽرار آفيس ۾ رهڻ لاءِ اهل ناهي.
خط ۾ جسٽس قاضِي فائز عيسيٰ چيو ته آرٽيڪل 175 ٽي تحت عدليا ۽ انتظاميا مڪمل طور ڌار آهن، هر شهري جيان رجسٽرار تي به آئين لاڳو ٿئي ٿو.
