سنڌ جي گورنر ڪامران ٽسوري چيو آهي ته رمضان المبارڪ جي مھيني ۾ مھانگائي سبب شھري پريشان آھن، پھريان بچت بازارون لڳايون وينديون آھن جن ۾ من پسند اگهه تي شيون وڪرو ڪيون وينديون آھن، ڪراچي جي آبادي ڪروڙن ۾ آھي هو بچت بازارون لڳائي عوام کي رليف ڏيڻ چاھن ٿا.
ڪراچيءَ ۾ پريس ڪانفرنس ڪندي ڪامران ٽسوري چيو ته رمضان المبارڪ ۾ سيلاني ويلفيئر به پاڻ سامان خريد ڪري غريبن ۾ راشن ورھائيندي، هو ڪافي ڏينهن کان سوچي رهيو آهي ته رمضان ۾ ايڪسپو سينٽر ۾ بچت بازار لڳائي وڃي.
سندس چوڻ هو ته ڪراچي جي آبادي ڪروڙن ۾ آھي هو بچت بازارون لڳائي عوام کي رليف ڏيڻ چاھن ٿا، جي ڊي سي به سماجي ادارو آھي هو ان سان گڏجي بچت ايڪسپو بازار لڳائڻ وڃن پيا.
سنڌ جي گورنر ڪامران ٽسوري چيو ته ايڪسپو سينٽر ۾ 40 سيڪڙو تائين عوام کي بچت ملندي، ھن ملڪ ۾ پنھنجي لاءِ ته هرڪو سڀ ڪجھه ڪري ٿو پر غريب عوام لاءِ ڪوبه نه ٿو سوچي.
