چنڊ ڏسڻ واري ريسرچ ڪائونسل جي سيڪريٽري جنرل خالد اعجاز مفتي چيو آهي ته شوال جو چنڊ 20 اپريل جي شام نظر نه ايندو، ان ڪري روزا 30 ٿيندا ۽ عيد الفطر 22 اپريل ڇنڇر تي ملهائي ويندي.
هڪ خانگي ٽي وي چينل سان ڳالهائيندي خالد اعجاز مفتي چيو ته 20 اپريل تي نئون چنڊ پاڪستاني وقت موجب 9 لڳي 13 منٽن تي پيدا ٿيندو، ان ڏينهن چنڊ جي عمر 10 ڪلاڪن کان گهٽ هوندي.
هن چيو ته چنڊ نظر اچڻ لاءِ اُن جي عمر 19 ڪلاڪن کان وڌيڪ هئڻ گهرجي، جنهنڪري اُن ڏينهن چنڊ نظر نه ايندو.
خالد اعجاز مفتي چيو ته 21 اپريل تي ٽيهون روزو ٿيندو ۽ 22 اپريل تي پهرين شوال هوندي.
سندس چوڻ هو ته 20 اپريل جي شام جو ڪا به شاهدي ملي ته اها غلط ثابت ٿيندي.
