وزيراعظم شهباز شريف آءِ ايم ايف پروگرام تي عمل ڪرڻ جو اعلان ڪندي چيو آهي ته ملڪ کي اڳتي وڌائڻ لاءِ آءِ ايم ايف پروگرام تي عمل ڪرڻ جا خواهشمند آهن، عالمي مالياتي اداري کي نائون مالياتي جائزو مڪمل ڪرڻ جو پيغام ڏنو ويو آهي، ملڪ کي بچائڻ لاءِ قرباني ڏيڻي پوندي، رياست کي بچائڻ لاءِ پنهنجي سياسي ڪمائي قربان ڪرڻ لاءِ تيار آهن، نوجوانن کي 5 کان 75 لک رپين تائين قرض ڏنو ويندو، نوجوانن کي وسيلا فراهم ڪيا وڃن ته ملڪي تقدير تبديل ڪري سگهن ٿا.
پرائم منسٽر يوٿ بزنس اينڊ ايگري لونز جي افتتاحي تقريب کي خطاب ڪندي وزيراعظم شهباز شريف چيو ته ملڪ کي اڳتي وڌائڻ لاءِ آءِ ايم ايف پروگرام تي عمل ڪرڻ جا خواهشمند آهن، عالمي مالياتي اداري کي نائون مالياتي جائزو مڪمل ڪرڻ جو پيغام ڏنو ويو آهي، ملڪ کي بچائڻ لاءِ قرباني ڏيڻي پوندي.
هن چيو ته رياست کي بچائڻ لاءِ هو پنهنجي سياسي ڪمائي قربان ڪرڻ لاءِ تيار آهن، اسٽيٽ بئنڪ چيو ته وياج جي شرح وڌائي آهي، سياست ۽ رياست مان هڪ کي بچائڻو پوندو، هنن پاڪستان کي بچائڻ جي ذميواري کنئي آهي.
شهبازشريف چيو ته نوجوانن کي 75 لکن تائين قرض ڏنو ويندو، 5 لکن تائين قرض بنا وياج هوندو، 5 کان 15 لکن تائين ستن سيڪڙو وياج تي قرض ڏنا ويندا.
وزيراعظم چيو ته هو نوجوانن کي پنهنجن پيرن تي بيهارڻ چاهن ٿا، نوجوانن کي وسيلا فراهم ڪيا وڃن ته ملڪي تقدير تبديل ڪري سگهن ٿا.
شهبازشريف چيو ته ڏکئي وقت ۾ سڀ کان وڏي ذميواري حڪومت جي هوندي آهي، جلد پاڪستان کي طوفان ڪڍيو ويندو، پاڪستان خاطر امير طبقي کي قربانيون ڏيڻيون پوندي.
