زمبابوي ڪرڪيٽ بورڊ ٽي ٽين گلوبل اسپورٽس جي سھڪار سان ملڪ جي فرنچائزرز تي ٻڌل ٽي ٽين ٽورنامينٽ ڪرائڻ جو اعلان ڪري ڇڏيو.
رپورٽس موجب ٽورنامينٽ جو افتتاحي ايڊيشن آگسٽ ۾ ٿيندو ۽ ان ۾ 6 ٽيمون شرڪت ڪنديون، فرنچائزر، رانديگرن جي ڊرافٽنگ، مقابلن ۽ ٻين تفصيلن جو اعلان بعد ۾ ڪيو ويندو.
پريس ڪانفرنس ۾ زيم افروٽي ٽي ٽين ڪرائڻ جو اعلان ڪندي زمبابوي ڪرڪيٽ جي چيئرمين تائوينگوا مڪوھلاني جو چوڻ ھو تھ کيس يقين آھي تھ ليگ شوقينن کي اعليٰ معيار جي تفريح فراھم ڪندي.