ايس ايس پي سانگهڙ منشيات سميت ٻين ڏوهن ۾ ملوث هجڻ تي هڪ انسپيڪٽر سميت 15پوليس اهلڪارن کي برطرف ڪري ڇڏيو.
ايس ايس پي سانگهڙ بشير احمد بروهي پاران برطرف پوليس عملدارن تي الزام آهي ته هو منشيات سميت ٻين سنگين ڏوهن ۾ ملوث آهن.
برطرف ٿيلن ۾ سب انسپڪٽر ظفر حسين سولنگي، اي ايس آءِ صفدر ٻرڙو، علي بخش مگسي، هيڊ ڪانسٽيبل غلام نبي، هيڊ ڪانسٽيبل سانوڻ خان، ڪانسٽيبل ظفر علي زرداري، ضمير سيال، اظهر سهتو، مور چاچڙ، منظور لاکير، ممتاز، عبدالرشيد ۽ ٻيا شامل آهن.
ايس ايس پي سانگهڙ بشير احمد بروهي جو چوڻ آهي ته آءِ جي سنڌ جي هدايتن تي منشيات سميت ٻين ڏوهن ۾ ملوث پوليس اهلڪارن خلاف انڪوائري ڪئي وئي، ملوث عملدارن کي بر طرف ڪيو ويو آهي.
