سانگهڙ ۾ زمين جي تڪرار تان چاچن ۽ ڀائٽين ۾ جهيڙي جي نتيجي ۾ 2 ڄڻا قتل ۽ 3 زخمي ٿي پيا آهن.
منگلي ٿاڻي جي حد چڪ 45 ۾ زمين جي تڪرار تان چاچن ۽ ڀائٽين ۾ جھيڙو ٿي پيو.
جهيڙي دوران زمان مگسي ۽ سڀاڳو خان مگسي مارجي ويا جڏهن ته گل مگسي سميت ٽي ڄڻا زخمي ٿي پيا.
پوليس واقعي واري هنڌ پهچي مقتولن جا لاش ۽ زخمين کي کڻائي اسپتال پهچايو جتان ضروري ڪارروائي بعد مڙهه وارثن حوالي ڪيا ويا.
ٻن ڄڻن جي مارجڻ بعد علائقو جنگ جو ميدان بڻيل رهيو جڏهن ته ماڻهو گهرن تائين محدود ٿي ويا.
پوليس جو چوڻ آهي ته زمين جي تڪرار تان چاچن ۽ ڀائٽين ۾ جهيڙي جي نتيجي ۾ 2 ڄڻا قتل ۽ 3 زخمي ٿي پيا آهن وڌيڪ جاچ ڪئي پئي وڃي.
