سجاول ويجهو هٿياربندن 2 سال اڳ پسند جي شادي ڪندڙ نوجوان کي گوليون هڻي قتل ڪري ڇڏيو آهي.
شيخ راهو ڳوٺ ۾ 2 سال اڳ پسند جي شادي ڪندڙ رضا خاصخيلي کي گوليون هڻي قتل ڪري ڇڏيو .
اطلاع ملڻ بعد پوليس واقعي واري هنڌ پهچي مقتول جو لاش تحويل ۾ وٺي اسپتال پهچايو جتان ضروري ڪارروائي بعد مڙهه وارثن حوالي ڪيو ويو.
مقتول رضا خاصخيلي جو مڙهه گهر پهچڻ تي ڪهرام مچي ويو.
ٻڌايو پيو وڃي ته 2 سال اڳ رضا خاصخيلي ڳوٺ جي ناري سان پسند جي شادي ڪئي هئي ۽ ساڳئي ئي ڳوٺ ۾ رهندو هو.
ذريعن موجب، ناري جي وارثن نوجوان کي گوليون هڻي قتل ڪيو آهي.
پوليس جو چوڻ آهي ته مقتول نوجوان جو مڙهه اسپتال مان ضروري ڪارروائي بعد وارثن حوالي ڪيو ويو آهي.
پوليس موجب، جوابدارن جي گرفتاري لاءِ پوليس ڳوٺ کي ڪڙو چاڙهي ڇڏيو آهي.
