سجاول ويجهو جوابدارن ڦر مزاحمت تي ڇريون هڻي مال جي واپاري کي قتل ڪري مينهون ڪاهي فرار ٿي ويا، جڏھن تھ وارثن پاران مين روڊ تي لاش رکي احتجاجي مظاھرو ڪري ڌرڻو ھنيو ويو.
رات دير سان جوابدارن مال جي واڙي ۾ داخل ٿي ڦر مزاحمت تي واپاري علو پالاري کي قتل ڪري ڇڏيو.
اطلاع تي پوليس واقعي واري هنڌ پهچي لاش تحويل ۾ وٺي سول اسپتال منتقل ڪري ڇڏيو، جتان پوسٽ مارٽم ڪرائڻ بعد مڙهه وارثن حوالي ڪيو ويو.
پوليس جو چوڻ آهي ته جوابدارن جي گرفتاري لاءِ ڇاپا هنيا پيا وڃن، کين جلد گرفتار ڪيو ويندو.
وارثن پاران بئراج موري وٽ مين روڊ تي لاش رکي احتجاجي مظاھرو ڪري ڌرڻو ھنيو ويو.
ڌرڻي سبب مختلف شھرن ڏانھن ايندڙ ويندڙ ٽريفڪ معطل ٿي وئي.
احتجاج ڪندڙن جو چوڻ آھي تھ سندن ڪنھن سان بھ دشمني ناھي جوابدارن علو پالاري کي قتل ڪري ظلم ڪيو آھي.
ھنن اعليٰ اختيارين کان مطالبو ڪيو واقعي جو ڪيس داخل ڪري ملوث جوابدارن کي گرفتار ڪري انصاف ڪيو وڃي.
