سرهاڙي ريلوي اسٽيشن ڀرسان ڪراچي کان لاهور ويندڙ مال گاڏي وڏي حادثي کان بچي وئي.
ريلوي اسٽيشن ويجهو مال گاڏي جي هڪ گاڏي کي اوچتو باهه لڳي وئي، جنهن سبب گاڏي اندر پيل سامان سڙي ويو.
ريلوي انتظاميا جي اطلاع تي فائربرگيڊ عملو پهچي گاڏي کي لڳل باهه تي ضابطو آڻي ورتو.
ريلوي انتظاميا موجب مال گاڏي ڪراچي کان لاهور طرف وڃي رهي هئي ته اوچتو هڪ گاڏي کي باهه لڳي وئي.
انتظاميا جو چوڻ آهي ته باهه لڳل گاڏي کي بروقت الڳ ڪري وڌيڪ نقصان ٿيڻ کان بچائي ورتو آهي.
