سعودي عرب جي سامونڊي فوج سوڊان ۾ ڦاٿل 16 سئو 87 ماڻهن کي کڻي جِدي پهچي ويو، جنهن ۾ 37 پاڪستاني شهري به شامل آهن.
سوڊان ۾ گهرو ويڙهه بعد سعودي عرب جي سامونڊي فوج طرفان سعودي ۽ پاڪستان شهرين کي ڪڍڻ جو عمل جاري آهي.
اربع جي صبح دنيا جي 62 ملڪن جي سورهن سئو 87 شهرين کي جدي پهچايو ويو، جن ۾ 37 پاڪستاني به شامل آهن.
بندرگاهه تي پاڪستاني قونصليٽ جي قونصل جنرل خالد مجيد سميت ٻين پنهنجن هم وطنن جي آجيان ڪئي.
سعودي عرب طرفان هيل تائين پاڪستان سميت 62 ملڪن جي 21 سئو 48 شهرين کي سوڊان مان ڪڍيو ويو آهي، جن ۾ 114 سعودي شهري شامل آهن.
