سعودي عرب دنيا جي مھانگي ترين ٽي ٽوئنٽي ڪرڪيٽ ليگ جو منصوبو تيار ڪري ورتو آھي.
آسٽريلوي ميڊيا موجب، دنيا جي مھانگي ترين ڪرڪيٽ ٽي ٽوئنٽي ليگ جي لاءِ سعودي عرب حڪومت آءِ پي ايل جي مالڪن سان بھ ڳالھھ ڪئي آھي.
آسٽريلوي ميديا جو چوڻ آھي تھ مبينا طور ان ليگ جو منصوبو ورلڊڪپ کي تبديل ڪري ڇڏيندو.
آسٽريلوي ميڊيا جي رپورٽ ۾ چيو ويو آھي تھ سعودي عرب اختيارين ٽي ٽوئنٽي جي مھانگي ترين ڪرڪيٽ ليگ کي پنھنجو ايندڙ منصوبو قرار ڏنو آھي.
واضح رھي تھ ڀارتي رانديگرن تي پنھنجي بورڊ طرفان ٻين ليگز ۾ شرڪت تي پابندي آھي، آسٽريلوي ميڊيا دعويٰ ڪئي آھي تھ سعودي عرب اختيارين جي تجويز بعد قانون ۾ نرمي ڪرڻ جو امڪان آھي.
رپورٽ موجب، سعودي عرب ۾ ليگ جي حوالي سان ڳالھھ ٻولھھ ھڪ سال اڳ شروع ٿي ھئي، آءِ سي سي جي چيئرمين گريگ بارڪلي بھ ھڪ انٽرويو ۾ سعودي سيڙپڪاري جي دلچسپي جي تصديق ڪئي ھئي.
آسٽريلوي ميڊيا جو چوڻ آھي تھ نيوٽرل وينيو جي حوالي سان ان وقت متحدھ عرب امارات ۾ ڪرڪيٽ کي ترجيح ڏني ويندي آھي، سعودي اختياريون پر اميد آھن تھ ڪرڪيٽ جي ايندڙ منزل سعودي عرب ھوندو.
