وزيراعظم شهبازشريف چيو آهي ته سعودي عرب پاڪستان کي وڌيڪ 2 ارب ڊالر ڏنا آهن، يو ايَ ايِ به هڪ ارب ڊالر ڏيڻ جو واعدو ڪيو آهي آءِ ايم ايف جي اها شرط به پوري ٿي وئي، مفتي عبدالشڪور بهترين ۽ ايماندار انسان هو، سندس وڇوڙي تي هو ڏکارا آهن.
قومي اسيمبلي جي اجلاس دوران ڳالهائيندي وزيراعظم شهبازشريف چيو ته ملڪ معاشي چئلينجن مان گذري رهيو آهي، سعودي عرب مهرباني ڪندي کين 2 ارب ڊالر وڌيڪ ڏنا آهن.
هن چيو ته يو اي ايِ به هڪ ارب ڊالر ڏيڻ جو واعدو ڪيو آهي، آءِ ايم ايف جي اها شرط به پوري ٿي وئي، ان باوجود ناڻي جي مٽاسٽا وارن ذخيرن جي صورتحال نازڪ آهي.
وزيراعظم چيو ته مفتي عبدالشڪور انتهائي ايماندار ۽ بهترين انسان هو، موجوه حالتن ۾ جڏهن پگهار نه کڻڻ جو فيصلو ڪيو ته مفتي شڪور چيو سندس گذارو ان ئي پگهار تي ٿيندو آهي، هو مسجد پويان ئي هڪ گهر ۾ رهندو هو.
