بالي ووڊ جي ناليواري اداڪار سلمان خان قتل جون ڌمڪيون ملڻ بعد بلٽ پروف گاڏي خريد ڪري ورتي.
ميڊيا رپورٽس موجب، ڌمڪي واري اي ميلز ملڻ بعد ممبئي پوليس سلمان خان جي سڪيورٽي ۾ واڌ ڪري ڇڏي ھئي، جڏھن تھ دبنگ خان کي پاڻ بھ محسوس ٿيو تھ کيس سڪيورٽي جو انتظام ڪرڻ گھرجي ۽ انھي مقصد لاءِ ھن جديد بلٽ پروف گاڏي خريد ڪئي آھي.
اطلاعن موجب، سلمان خان جيڪا گاڏي خريد ڪئي آھي اھا في الحال ڀارت ۾ دستياب نھ آھي ۽ ان کي پرڏيھھ ۾ گھرايو ويو آھي.
ان گاڏي جو ماڊل نسان پٽرول ايس يو وي آھي، ڀارتي آٽو موبل مارڪيٽ ۾ في الحال اھا گاڏي دستياب نھ آھي.
سلمان خان جيڪا گاڏي خريد ڪئي آھي اھا ڏکڻ ايشيا ۾ دستياب مھانگي ترين گاڏين مان ھڪ آھي ۽ گھڻي ڀاڱي ماڻھو ان کي سڪيورٽي مقصدن لاءِ ئي استعمال ڪندا آھن.
