سموسا ڪنهن کي پسند ناهن؟ سٺي موسم هجي يا شام جي چانهه سموسا اُهي پسنديده سنيڪس آهن جنهن کي هر گهر ۾ شوق سان کاڌو ويندو آهي پر ڇا ڪڏهن اوهان سوچيو آهي ته سموسا وڪرو ڪرڻ وارا روزاني لکين رُپيا ڪمائي سگهن ٿا؟.
ڀارتي ميڊيا جي رپورٽس جي مطابق شهر بنگور سان تعلق رکندڙ جوڙي سموسا وڪڻي ڪروڙين رُپيا ڪمائي هڪ مثال قائم ڪري ڇڏي آهي.
نڌي سنگهه ۽ شيکر وير سنگهه پنهنجي سموسن جو ڪاروبار هڪ ننڍي دڪان ۾ 2016 ۾ شروع ڪيو ٻنهي ان بزنس جي لاءِ پنهنجون سٺيون نوڪريون ڇڏيون جتي سندن کي لکين رُپيا پگهار ملندي هئي.
جڏهن ته ٻنهي پنهنجي برانڊ جو نالو سموسا سنگهه رکيو ۽ جوڙي ان ڳالهه کي يقيني بڻايو ته صفائي سان گڏ سموسا وڪرو ڪيا ويندا ان کان علاوه پٽاٽا قيمو ۽ ڀاڄين جا به سموسا متعارف ڪرايا.
ڀارتي ميڊيا جو چوڻ آهي ته سموسا سنگهه هر مهيني 30 هزار سموسا وڪرو ڪندا آهن ۽ ان مان هي جوڙو ساليانو 45 ڪروڙِ ڀارتي رُپيا ڪمائيندا آهن جيڪو تقريبن روزانو 12 لک ٺهن ٿا.
