سنڌڙي: نوجوان جو قبرستان ۾ بيٺل پاڻي مان لاش هٿ

سنڌڙي ويجهو نوجوان جو قبرستان ۾ بيٺل برساتي پاڻي مان لاش هٿ آيو آهي.

هڱورنو جي ريوڙي پاڙي جي رهواسي تيرٿ ميگهواڙ جو لاش مليو.

اطلاع ملڻ بعد شهري ۽ وارثن واقعي واري هنڌ پهچي ويا.

وارث مقتول تيرٿ ميگهواڙ جو مڙهه گهر کڻائي ويا.

وارثن جو چوڻ آهي ته نوجوان پورهيو ڪري گذر سفر ڪندو هو.

هنن چيو ته تيرٿ ميگهواڙ رات کان گم هو جنهن جو صبح جمن شاهه قبرستان ۾ بيٺل برساتي پاڻيءَ مان لاش مليو.

سندن چوڻ هو ته گذريل سال جي پيل برسات جو پاڻي اڃا تائين قبرستان ۾ بيٺل آهي.