سنڌ اسيمبليءَ ۾ عام چونڊون هڪ ئي ڏينهن ڪرائڻ جو ٺهراءُ منظور ڪيو ويو، مخالف ڌر ٺهراءَ جي مخالفت ڪندي ايوان ۾ هنگامو ڪيو.
پ پ ايم پي اي برهان خان چانڊيو ملڪ ۾ هڪ ئي ڏينهن عام چونڊون ڪرائڻ بابت ٺهراءُ پيش ڪيو.
مخالف ڌر جي ميمبرن ٺهراءَ جي مخالفت ڪندي ايوان ۾ هنگامو ڪيو.
مخالف ڌر جي مخالفت باوجود ملڪ ۾ عام چونڊون هڪ ئي ڏينهن ڪرائڻ جو ٺهراءُ منظور ڪيو ويو.
ان موقعي تي سنڌ اسيمبلي ۾ ڳالهائيندي وڏي وزير مراد علي شاهه چيو ته سنڌ اسيمبلي مدو پورو ڪندي ۽ آئين تحت اليڪشن ٿيندي.
هن چيو ته هڪ پارٽي پارليامينٽ ۽ آئين کي پنهنجي مفاد لاءِ استعمال ڪري رهي آهي، 2008 کانپوءِ ارڙهين ترميم ذريعي پهريون ڀيرو اسيمبلين پنهنجو مدو پورو ڪيو.
سندس چوڻ هو ته عام چونڊون هڪ ئي وقت ٿيڻ گهرجن.
