سنڌ جي مختلف شهرن ۾ تيز هوا سان برسات پوڻ سبب گرميءَ جو زور ٽٽي پيو، تيز هوا ۽ مٽيءَ جي طوفان سبب حيسڪو جي 240 فيڊر ٽرپ ٿي ويا ۽ ڪيترن ئي شهرن ۾ بجلي غائب آهي.
ڪراچي جي علائقي ملير، گلشن حديد، ڪاٺوڙ ۽ گڏاپ ۾ وسڪارو بعد موسم خوشگوار ٿي وئي.
حيدر آباد ۽ ڀرپاسي وارن علائقن ۾ تيز هوا سان برسات بعد گرميءَ جو زور ٽٽي ويو.
نوري آباد ۾ تيز هوا سان برسات پئي، جنهن ڪري گرميءَ جو زور ٽٽي ويو ۽ مالوندن جي چهرن تي مرڪون موٽي آيون.
ڄامشوري، ڪوٽري ۽ ڀرپاسي وارن علائقن ۾ به تيز هوا سان برسات سبب گرميءَ جو زور ٽٽي ويو ۽ موسم خوشگوار ٿي ويو.
ٺٽي جي مختلف علائقن ۾ تيز طوفاني برسات پئي آهي، چليا، ڪينجهر، پٺاڻ ڪالوني ۾ تيز هوا سان برسات پئي، جڏهن ته هوا سبب گهرن جي ڇتيون اڏامي ويون.
تيز هوا سبب ڳوٺ آدم ڀنڀرو ۾ هليٿ هائوس ۽ اسڪول جي واش روم جون ڇتيون اڏامي ويو، وڻ ڪري پيا ۽ بجلي جو نظام ڊانوانڊول ٿي ويو.
سجاول ۾ گجگوڙ سان برسات پئي، جنهن ڪري موسم خوشگوار ٿي ويو، پر انتظاميا طرفان گٽرن ۽ نالن جي صفائي سميت صفائي جا ڪي به جوڳا اپاءَ ناهن ورتا ويا.
دادو ۽ ڀرپاسي جي علائقن ۾ تيز برسات بعد گرميءَ جو زور ٽٽي ويو، ڪٿي تيز ته ڪٿي هلڪي برسات پئي.
ٽنڊي آدم ۾ مٽيءَ جي طوفان سبب بجلي جو نظام ڊانواڊول ٿي ويو ۽ روڊ تي ٽريفڪ بيهجي وئي، طرفان بعد وسڪارو ٿيو، جنهن ڪري گرميءَ جو زور ٽٽي ويو.
ٽنڊي محمد خان ۾ به سخت گرميءَ بعد تيز هوا سان وسڪارو پيو آهي، جنهن جري بجلي ۽ مواصلاتي نظام ڊانوانڊول ٿي ويو.
عثمان شاهه هڙي سميت ٻين علائقن ۾ تيز طوفان ۽ برسات سبب ڪيترن ڪچن ڪکاون جون ڇتيون اڏامي ويو، جڏهن ته انبن کي وڏو نقصان پهتو آهي.
مانجهند ۽ ٽنڊو رحيم سميت ڪاڇي ۽ کيرٿر جي مختلف علائقن ۾ ڪٿي تيز ۽ ڪٿي هڪلي برسات پئي آهي، ڇني، گاجي شاهه، شاهه حسن ۾ وسڪاري سبب موسم خوشگوار ٿي ويو.
سوئي گيس شهر ۾ برسات سبب موسم خوشگوار ٿي وئي ۽ گرميءَ جو زور ٽٽي ويو، جڏهن برسات پوندي ئي بجلي غائب ٿي وئي.
