سنڌ جي مختلف شهرن ۾ حادثن جي نتيجي ۾ 2 ڄڻا فوت ۽ ٻن عورتن سميت 6 ماڻهو زخمي ٿي پيا آهن.
ڳوٺ خادم علي ويجهو چنگچي رڪشا شاخ ۾ ڪري پيو.
حادثي جي نتيجي ۾ ڳوٺ سعيد خان لاشاري واسي 45 ورهين جو ولي محمد ۽ 50 ورهين جو محمد خان لاشاري ٿڏي تي ئي فوت ٿي ويا.
اطلاع ملڻ بعد پوليس واقعي واري هنڌ پهچي فوتين جا لاش ڪڍرائي اسپتال پهچايا جتان ضروري ڪارروائي بعد مڙهه وارثن حوالي ڪيا ويا.
ٻنهي فوتين جا لاش گهرن ۾ پهچڻ تي ڪهرام مچي ويو.
پوليس موجب، حادثو تيز رفتاري سبب پيش آيو وڌيڪ جاچ ڪئي پئي وڃي.
خيرپور ويجهو روڊ حادثي جي نتيجي ۾ ٻن عورتن سميت 6 ڄڻا زخمي ٿي پيا.
شاهه حسين وٽ قومي شاهراهه تي ڪراچي کان لاهور ويندڙ ڪوچ ۽ بهه سان ڀريل ٽريڪٽر ٽرالي سان ٽڪرائجڻ سبب ڪلٽي ٿي پئي.
حادثي جي نتيجي ۾ ٻن عورتن سميت 6 ڄڻا زخمي ٿي پيا.
حادثي ۾ زخمين ٿيلن کي سول اسپتال منتقل ڪيو ويو.
پوليس جو چوڻ آهي ته حادثو تيز رفتاري سبب پيش آيو وڌيڪ جاچ ڪئي پئي وڃي.
