- Advertisement -
سنڌ جي مختلف شهرن ۾ روڊ حادثن جي نتيجي ۾ 4 ڄڻا فوت ٿي ويا ۽30 کان وڌيڪ زخمي ٿي پيا.
ميرپورساڪري ڀرسان ٽائر برسٽ ٿيڻ سبب شهزور گاڏي ڪلٽي ٿي پئي.
گاڏي ڪلٽي ٿيڻ سبب 2 ڄڻا اسد جوڻيجو ۽ ريبي پٺاڻ فوت ٿي ويا ۽ 25 ڄڻا سخت زخمي ٿي پيا.
حادثي بعد فوتين جا مڙهه ۽ زخمين کي اسپتال منتقل ڪيو ويو.
مٽياري ويجهو ڪار ۽ چنگچي رڪشا ۾ ٽڪر ٿيڻ جي نتيجي ۾ عورت سميت ٻه ڄڻا فوت ۽ 2 زخمي ٿي پيا.
قومي شاهراهه تي حادثي ۾ بشير کوسو ۽ گل زادي کوسو فوت ٿي ويا ۽ ٻه ڄڻا زخمي ٿي پيا.
اطلاع تي پوليس حادثي واري هنڌ پهچي لاش ۽ زخمين کي کڻائي اسپتال منتقل ڪيو، جتان ضروري ڪارروائي بعد مڙهه وارثن حوالي ڪيا ويا.
فوتين جا مڙهه وارث ايمبولينس نه ملڻ ڪري چنگچي رڪشا ۾ کڻائي ويا.
هوڏانهن حادثي ۾ فوت ٿيلن جا مڙهه گهر پهچائڻ تي گهر ڀاتين ۾ ڪهرام مچي ويو- Advertisement -
