تازه ترين

سنڌ سرڪار سرهاڙي ويجهو ٽرين حادثي جي فوتين کي 10، 10 لک ۽ زخمين کي 2 کان 5 لک رپيه معاوضو ڏيڻ جو اعلان ڪري ڇڏيو

سنڌ سرڪار سرهاڙي ويجهو ٽرين حادثي جي فوتين کي 10، 10 لک ۽ زخمين کي 2 کان 5 لک رپيه معاوضو ڏيڻ جو اعلان ڪري ڇڏيو، وڏي وزير مراد علي شاهه جو چوڻ آهي ته افسوسناڪ ٽرين حادثي ۾ فوت ٿيل لاءِ سنڌ حڪومت پاران ڏهه ڏهه لک ۽ اسپتالن ۾ داخل زخمين جي علاج لاءِ 2 کان 5 لک رپيا ڏنا ويندا، ايندڙ عام چونڊن ۾ پ پ وفاق توڙي صوبن ۾ حڪومت ٺاهيندي، سنڌ، بلوچستان ۽ ڪي پي ۾ به پ پ ڪامياب ٿيندي، پنجاب ۾ به اڪثر سيٽون سندن ئي آهن، هو موڪل تي وڃي رهيا آهن، ٽن مهينن کانپوءِ واپس اچي تسلسل سان عوام جي خدمت جاري رکندا، ٽن مهينن اندر عام چونڊون ٿي وينديون.

ٺٽي ۾ ڪاليج جي افتتاحي تقريب بعد ميڊيا سان ڳالهائيندي مراد علي شاهه چيو ته افسوسناڪ ٽرين حادثي ۾ فوت ٿيل لاءِ سنڌ حڪومت پاران ڏهه ڏهه لک ۽ اسپتالن ۾ داخل زخمين جي علاج لاءِ 2 کان 5 لک رپيا ڏنا ويندا.

سندس چوڻ هو ته پهرين ترجيح ٽرين حادثي جي فوتي ۽ زخمي مسافرن جي ريسڪيو ڪرڻ هئي، سنڌ حڪومت مختلف ادارن سان گڏجي ريسڪيو جو عمل مڪمل ڪري ورتو.

وڏي وزير مراد علي شاھه چيو ته انتهائي افسوسناڪ سانحو پيش آيو حادثي يا تخريبڪاري جي حوالي سان ڪجھه به نٿو چئي سگهجي، ريلوي اختياريون جاچ ڪري رهيون آھن، حادثي تي ڏاڍو ڏک ٿيو، متاثر خاندانن سان سنڌ حڪومت ۽ پيپلزپارٽي برابر جو شريڪ آھي.

هن چيو ته ٽن مهينن اندر عام چونڊون ٿي وينديون، آئيني طور تي ٻن مهينن ۾ نگران حڪومت کي چونڊون ڪرائڻيون هونديون آهن ۽ هن ڀيري هڪ مهينو وڌيڪ ملي رهيو آهي.

وڏي وزير مراد علي شاهه چيو ته ايندڙ عام چونڊن ۾ ايندڙ عام چونڊن ۾ پيپلز پارٽي سڄي ملڪ مان وڏي پارٽي طور اليڪشن کٽي وفاق توڙي صوبن ۾ حڪومت ٺاهيندي، سنڌ، بلوچستان ۽ ڪي پي ۾ به پ پ ڪامياب ٿيندي، پنجاب ۾ به اڪثر سيٽون سندن ئي آهن.

سندس چوڻ هو ته ڪي پي ماضي ۾ پيپلز پارٽي جو ڳڙهه رهيو پر بدقسمتي سان ڌيان نه ڏيڻ سبب ڪجهه تبديليون آيو پر هن ڀيري وڌيڪ تبديلي نظر ايندي.

وڏي وزير مراد علي شاهه چيو ته پنجاب ۾ ڪيتريون ئي پارٽيون آھن تنهنڪري ڪابه پارٽي وڏي اڪثريت سان سامهون نه اچي سگهندي پر پيپلزپارٽي اتان به وڌيڪ سيٽون کڻندي.

هن چيو ته هو موڪل تي وڃي رهيا آهن، ٽن مهينن کانپوءِ واپس اچي تسلسل سان عوام جي خدمت جاري رکندا، هن ڀيري سنڌ ۾ سڀ کان وڌيڪ سيٽون پ پ حاصل ڪندي.

وڏي وزير مراد علي شاهه چيو ته پيپلز پارٽي بلوچستان ۾ حڪومت ٺاهيندي، خيبرپختونخوا ۾ پ پ جي حڪومت رهي آهي ۽ هاڻي به پيپلز پارٽي حڪومت ٺاهيندي، پنجاب ۾ هن ڀيري پ پ وڌيڪ سيٽون حاصل ڪندي ۽ بلاول ڀٽو زرداري ملڪ جو وزيراعظم بڻجندو.

لاڳاپيل خبرون

1,523,504FansLike
46,929FollowersFollow
209FollowersFollow
12,215FollowersFollow
108,000SubscribersSubscribe
Pakistan
clear sky
17.6 ° C
17.6 °
17.6 °
32 %
1kmh
7 %
سُومر
23 °
اڱارو
24 °
اربع
25 °
خميس
25 °
جمعو
25 °

تازه ترين خبرون