سنڌ سرڪار صوبن ۾ ڌار ڌار چونڊون ڪرائڻ جي مخالفت ڪري ڇڏي، صوبائي وزير سعيد غني جو چوڻ آهي ته سموري ملڪ ۾ هڪ ئي وقت عام چونڊون ڪرائڻ گهرجن، الڳ الڳ عام چونڊن بابت فيصلو ڪنهن به صورت ۾ قبول ناهي.
ڪراچي ۾ پريس ڪانفرنس ڪندي سعيد غني چيو ته عام چونڊن بابت ڪنهن صوبي جي موقف کي رد نه ٿو ڪري سگهجي.
هن چيو ته آصف زرداري واضح ڪيو ته ملڪ ۾ بحران جو حل ججن نه پر سياستدانن وٽ آهي، سياسي فيصلا سياستدانن ۽ عدالتي فيصلا ججن کي ڪرڻ گهرجن.
صوبائي وزير چيو ته پارليامينٽ، اسٽيٽ بئنڪ ۽ اليڪشن ڪميشن ڪنهن جي ماتحت ناهن.
سعيد غني چيو ته عمران خان چيو هو ته هو حڪومت کان نڪتو ته خطرناڪ ٿي ويندو، ان ڪري کيس جيل ۾ هجڻ گهرجي ها، هن ٻاهر رهي عدليا، پارليامينٽ، فوج سڀني خلاف زهر اوڳاڇيو.
صوبائي وزير چيو ته عمران خان ادارن ۾ بحران پيدا ڪيو، کيس سياستدان نه ٿو چئي سگهجي، پ پ جي راءِ آهي ته ڳالهيون ٿيڻ گهرجن.
