سنڌ سرڪار طرفان لاشن جي منتقلي لاءِ مفت ايمبولينس سروس شروع ڪرڻ جو صحت واري وزير افتتاح ڪري ڇڏيو.
ڪراچي ۾ لاش منتقلي لاءِ مفت ايمبولينس سروس شروع ڪرڻ واري تقريب کي خطا ڪندي صحت واري صوبائي وزير عذرا پيچوهو جو چوڻ آهي ته لاشن جي منتقلي لاءِ شروعاتي طور 25 ايمبولينسون هلايون وينديون، مرحليوار گاڏين جي انگ ۾ اضافو ڪيو ويندو.
هن چيو ته ڪجهه ڏينهن اڳ سوشل ميڊيا تي ايمبولينس جي حُوالي سان ناڪاري مهم هلائي وئي.
صوبائي وزير چيو ته ڪورونا وائرس تي ضابطي لاءِ ايس او پيز تي عمل ڪرڻ جي ضرورت آهي.
عذرا پيچوهو چيو ته دوائن جي اگهن ۾ اضافي سبب صحت واري وفاقي وزير کي خط لکيو ويو آهي، دوائن جي اگهن ۾ هٿرادو اضافي خلاف ڪارروائي ٿيڻ گهرجي.
هن چيو ته رزاق آباد ۾ ٽراما سينٽر قائم ڪيو ويندو، انڊس اسپتال ذريعي پيراميڊيڪل عملي سميت ڊاڪٽرز کي مقرر ڪيو ويندو، جيڪي ڪتن ڏاڙهيل ماڻهن جو علاج ڪندا.
