سنڌ حڪومت منافعي خورن خلاف سخت ڪارروائي ڪرڻ جو منصوبو جوڙيندي الڳ ٿاڻا قائم ڪرڻ جو فيصلو ڪيو آهي.
سنڌ حڪومت جو کاڌ خوراڪ وارين شين تي ڪنٽرول ڪرڻ بابت خاص مددگار وقار مھدي ۽ بيورو آف سپلائي جي اسپيشل اسسٽنٽ عثمان ھنڱورو جي صدارت ٿيو، جنهن ۾ زراعت واري سيڪريٽري سھيل احمد قريشي، ڊي جي بيورو آف سپلاءِ شاڪر قيوم خانزاده ۽ ٻين شرڪت ڪئي.
اجلاس ۾ منافع خورن خلاف سخت ڪارروائي ڪرڻ لاءِ مختلف قدم کڻڻ تي غور ويچار ڪيو ويو.
اجلاس کي خطاب ڪندي خاص مددگار وقار مهدي چيو ته سنڌ حڪومت منافع خورن خلاف ڪارروائي لاءِ الڳ ٿاڻا قائم ڪرڻ جو فيصلو ڪيو آھي.
بيورو آف سپلاءِ جي اسپيشل اسسٽنٽ عثمان ھڱورو چيو ته ضروري شين جي قيمتن تي ڪنٽرول ڪرڻ لاءِ قدم کنيا پيا وڃن، سڀني گودامن کي رمضان کان اڳ رجسٽرڊ ڪيو ويندو ۽ بچت بازارن ۾ ضروري شين جا خاص اسٽال لڳايا ويندا
اجلاس ۾ فيصلو ڪيو ويو ته مارڪيٽن جي نگراني لاءِ خاص ڊيوٽيون لڳايون وينديون ۽ عام ماڻهن جي شڪايتن جو فوري طور ازالو ڪيو ويندو.
اجلاس ۾ ميون ۽ سبزين جي قيمتن جي فهرست دڪاندارن وٽ لازمي قرار ڏني وئي.
عثمان هڱورو جو چوڻ هو ته ٿاڻن جو اختيار سموري سنڌ ۾ ھوندو ۽ ٿاڻا منافعي خورن خلاف ڪارروائي جامجاز ھوندا، نون ٿاڻن تي بيورو آف سپلائي کاتي جا انسپيڪٽر ۽ پوليس اھڪار شامل ھوندا.
هن چيو ته ڪراچي ۾ 3 ھفتن دوران 272 يونٽس جو دورو ڪري 5 لک 36 ھزار روپيا ڏنڊ لڳايو ويو آهي.
