سنڌ هاءِ ڪورٽ گم ٿيل ماڻهن جي بازيابي لاءِ وفاقي گهرو کاتي ۽ بچاءَ واري سيڪريٽري کي نوٽيس جاري ڪري ڇڏيو.
سنڌ هاءِ ڪورٽ ڪراچي ۾ 10 کان وڌيڪ ماڻهن جي بازيابي بابت درخواستن تي ٻڌڻي ٿي آهي.
درخواستگذار جي وڪيل غلام فريد عدالت کي ٻڌايو ته شهري غياث الدين 2015 کان گم آهي.
جاچ آفيسر عدالت کي آگاهي ڏني ته غياث الدين دستي بم ڪيس ۾ 6 مهينن جي سزا ۾ جيل موڪيلو ويو هو.
وڪيل چيو ته جيڪڏهن غياث الدين 2015ع کان 6 مهينن جي سزا ۾ جيل ۾ هو ته اڃا تائين آزاد ڇو ناهي ٿيو.
عدالت گم ٿي ويل ماڻهن جي بازيابي لاءِ وفاقي گهرو کاتي ۽ بچاءَ واري سيڪريٽري کي نوٽيس جاري ڪري ڇڏيو.
عدالت طرفان صوبائي گهرو کاتي، آءِ جي سنڌ ۽ ٻين کان اڳڀرائي رپورٽ طلب ڪئي وئي آهي.
عدالت سنڌ جي گهرو کاتي کان جي آءِ ٽي رپورٽ به طلب ڪري ورتي آهي.
