سنڌ ھاءِ ڪورٽ جي حڪم تحت مانجھند جي ڪچي ۾ آپريشن ڪري سوين ايڪڙ سرڪاري زمين تان قبضو ختم ڪرايو ويو.
مانجھند تعلقي اندر سرڪاري زمينن تي ٿيل غيرقانوني قبضن خلاف آپريشن جي اڳواڻي ڊي ايف او عابد جتوئي ۽ آر ايف او بخت جتوئي ڪئي.
آپريشن ۾ اينٽي انڪروچمينٽ ٽيم سان گڏ کاڻوٺ، مانجھند، آمري ڇڇر، ڪول مائنز ۽ ٻڍاپور پوليس جا اٽالا ساڻ ڪري مانجھند جي ڪچي ۾ 100 کان وڌيڪ سرڪاري زمين تان قبضو خالي ڪرائي ٻج ڇٽيو ويو.
ان موقعي تي آر ايف او بخت جتوئي ٻڌايو ته سنڌ ھاءِ ڪورٺ جي حڪم تي گذريل مھيني کان آپريشن جاري آھي.
هن چيو ته آپريشن ۾ پوکيل فصل سان ٽيوب ويل ۽ ٻيو سرڪاري زمين تي رکيل مشينري پڻ تحويل ۾ وٺي ڇڏي آھي.
سندس چوڻ هو ته قبضا مافيا خلاف ايف آءِ آر پڻ داخل ڪرايون آھن، سرڪاري زمينن تان قبضا خالي ڪرائڻ تائين سنڌ ھاءِ ڪورٺ جي حڪم تحت آپريشن جاري رھندا
