سنڌ ۾ ميٽرڪ جا ساليانا امتحان جاري آهن، ڪاپي جي ڌم متل

سنڌ ۾ ميٽرڪ جا ساليانا امتحان ٻئي ڏينهن به جاري آهن، امتحاني سينٽرن ۾ ڪاپي جي ڌم متل آهي.

ڪراچي، حيدرآباد، سکر، لاڙڪاڻو، شهيد بينظير آباد ۽ ميرپور خاص تعليمي بورڊن طرفان ساليانا امتحان ورتا پيا وڃن.

انتظاميا ڪاپي تي ڪنٽرول ڪرڻ ۾ مڪمل طور ناڪام ٿي وئي آهي.

شاگرد امتحاني سينٽرن ۾ موبائل فون تي واٽس ايپ ذريعي پرچا حل ڪري رهيا آهن.

حيدرآباد ۾ 263 امتحاني سينٽر قائم ڪيا ويا آهن، 25 سينٽرن کي حساس قرار ڏنو ويو آهي.

ڪنٽرولر مسرور جو چوڻ آهي ته ڪاپي کي روڪڻ لاءِ 23 ويجيلنس ٽيمون جوڙيون ويون آهن.