سنڌ ۾ مڪاني ادارن جي رھجي ويل تڪن تي چونڊن لاءِ پولنگ جو عمل جاري آهي.
پولنگ جو عمل بنا ڪنهن وقفي جي شام پنج وڳي تائين جاري رهندو.
حساس ۽ انتهائي حساس پولنگن تي سي سي ٽي وي ڪيمرائون لڳايون ويون آهن.
ڪراچي جي يارنهن ضلعن ۾ مڪاني چونڊن لاءِ پولنگ جو عمل جاري آهي.
حيدرآباد جي 5 يوسين ۽ پنجن وارڊن تي مڪاني چونڊن لاءِ اڄ پولنگ جو عمل جاري آهي.
ٺٽي جي ٻن، دادو ضلعي جي ٻن يونين ڪائونسلن ۽ ھڪ وارڊ تي پولنگ عمل جاري آهي.
ٽنڊالھيار ميونسپل ڪميٽي جي وارڊ نمبر 6 ۽ ڪوٽڙي جي وارڊ نمبر 13 تي به پولنگ ٿي رهي آهي.
ٽنڊو باگو ٽائون ڪميٽي جي رھيل وارڊ نمبر 5 ۽ وارڊ نمبر 7 تي اڄ پولنگ جو عمل جاري آهي.
شهدادپور جي وارڊ نمبر 2، محرابپور جي وارڊ نمبر1، اوٻاڙو جي وارڊ نمبر 6 ۽ روهڙي جي وارڊ نمبر 6 تي به پولنگ جو عمل جاري آهي.
اڏيرو لال جي يونين ڪائونس 16 حسين هنگورو جي پولنگ نمبر 8 تي پولنگ جو عمل جاري آهي، عورت ووٽرز نه پهچي سگهيون، پولنگ اسٽيشن ويرانيءَ جا منظر پيش ڪرڻ لڳو.
دادو ميونسپل ڪميٽي جي وارڊ نمبر 20 تي پولنگ جو عمل شروع ٿي ويو آهي، مردن ۽ عورتن لاءِ ڌار ڌار هڪ هڪ پولنگ اسٽيشن قائم ڪئي وئي آهي.
شڪارپور ۾ ميونسپل ڪاميٽي وارڊ نمبر 24 تي پولنگ جو عمل شروع ٿي ويو آهي.
ٺٽي ضلعي جي يونين ڪائونسل ڌاٻيجي تي چيئرمين ۽ وائيس چيئرمين جي سيٽن تي پولنگ جو عمل جاري آهي.
ميرپور بٺورو تعلقي جي يونين ڪائونسل شاهه محمد شاهه جي رهيل چيئرمين ۽ وائيس جي سيٽن تي پولنگ جو عمل جاري آهي.
ميرپورماٿيلو يوسي عمر ڊهو وارڊ 6 تي مڪاني چونڊن جو عمل جاري آهي، ووٽر پنهنجي ووٽ جو حق استعمال ڪري رهيا آهن.
