جماعت اسلامي جي امير سراج الحق چيو آهي ته سنڌ ۾ ڌاڙيل راڄ قائم آهي، سج لٿي کانپوءِ روڊ تي نڪرڻ ممڪن ناهي، پروفيسر ڊاڪٽر اجمل ساوند جو قتل سنڌ ۽ ملڪ لاءِ وڏو سانحو آهي، سياسي استحڪام لاءِ نگران سيٽ اپ قائم ڪري عام چونڊون ڪرايون وڃن، عام چونڊن واري معاملي تي فل ڪورٽ قائم ٿيڻ گهرجي ها، عدليه ۾ اختلافن تي قوم به پريشان آهي.
جماعت اسلامي جي امير سراج الحق سکر پھچي پروفيسر ڊاڪٽر اجمل ساوند جي وارثن سان تعزيت ڪئي.
پروفيسر اجمل ساوند جي گھر ٻاھران ميڊيا سان ڳالھائيندي سراج الحق چيو تھ سنڌ ۾ ڌاڙيل راڄ قائم آهي، سج لٿي کانپوءِ روڊ تي نڪرڻ ممڪن ناهي، پروفيسر ڊاڪٽر اجمل ساوند جو قتل سنڌ ۽ ملڪ لاءِ وڏو سانحو آهي.
سندس چوڻ ھو تھ پروفيسر اجمل ساوند خوشحال زندگي ڇڏي سنڌ جي ماڻھن جي خدمت کي ترجيح ڏني، کيس خدمتن تي ڀيٽا پيش ڪريون ٿا.
جماعت اسلامي جي امير سراج الحق چيو تھ پروفيسر ڊاڪٽر اجمل ساوند جي قاتلن کي پوليس ھن وقت تائين گرفتار ناھي ڪري سگھي، اھڙي شخصيت جي قاتلن کي گرفتار نھ ڪرڻ تي ھو شرمندا آھن.
ھن چيو تھ ملڪ ۾ سياسي ڇڪتاڻ ۽ مھانگائي سبب عوام جو جيئڻ جنجال ٿي ويو آھي.
سندس چوڻ ھو تھ سياسي استحڪام لاءِ نگران سيٽ اپ قائم ڪري عام چونڊون ڪرايون وڃن.
جماعت اسلامي جي امير سراج الحق چيو تھ عام چونڊن واري معاملي تي فل ڪورٽ قائم ٿيڻ گهرجي ها، عدليه ۾ اختلافن تي قوم به پريشان آهي.
