- Advertisement -
سنگرار واسڻ نينگري پريا ڪماريءَ جي بازيابيءَ لاءِ مختلف شهرن ۾ احتجاجي ريليون ڪڍي مظاهرا ڪري ڌرڻا هنيا ويا.
دادو ۾ شاگردن پاران علامه آءِ آءِ قاضي لائبري کان پريس ڪلب تائين احتجاجي مظاهرو ڪري ڌرڻو هڻي نعريبازي ڪئي وئي.
اڏيرو لال ۾ سياسي سماجي ڌرين ۽ ميگهواڙي برادري پاران نينگري پريا ڪماري جي بازيابيءَ لاءِ سعيد جدگال، عبدالرزاق ڇٽو، تيرٿ ميگهواڙ ۽ ٻين جي اڳواڻيءَ ۾ احتجاجي مظاهرو ڪيو ويو.
ڪوٽ غلام محمد ۾ ينگ مالهي اتحاد جي نوجوانن پاران نينگري پريا ڪماري جي بازيابيءَ لاءِ جئه ڪمار مالهي، پريپ ڪمار مالهي ۽ ٻين جي اڳواڻيءَ ۾ احتجاجي ريلي ڪڍي مين روڊ تي ڌرڻو هڻي نعريبازي ڪئي وئي.
نئون ڪوٽ ۾ هندو ڪائونسل پاران نينگري پريا ڪماري جي بازيابيءَ لاءِ شاهي بازار کان پريس ڪلب تائين احتجاجي ريلي ڪڍي مظاهرو ڪيو ويو.
ڪنري ۾ هندو برادري پاران نينگري پريا ڪماري جي بازيابيءَ لاءِ شيوانند سنڌي، هوتچند، پريم ڪمار ۽ ٻين جي اڳواڻيءَ ۾ احتجاجي ريلي ڪڍي مظاهرو ڪري نعريبازي ڪئي وئي.
اڳواڻن جو چوڻ آهي ته سنڌ حڪومت ۽ پوليس هن وقت تائين پريا ڪماري کي بازياب ڪرائڻ ۾ ناڪام ٿي ويا آهن.
هنن چيو ته پوليس بااثرن اڳيان بيوس بڻيل هئڻ سبب پريا ڪماري بازياب نه ٿي سگهي آهي.
اڳواڻن سپريم ڪورٽ ۽ سنڌ هائيڪورٽ جي چيف سميت سميت اعليٰ اختيارين کان مطالبو ڪيو ته معاملي جو نوٽيس وٺي نينگري پريا ڪماري کي بازياب ڪرائي بيچيني ختم ڪئي وڃي……………- Advertisement -
