ڀارتي اداڪار سواستيڪا مکرجي پنھنجي ايندڙ نئين فلم “شيب پور” جي پروڊيوسر سنديپ سرڪار تي جنسي طور ھراسان ڪرڻ جو الزام لڳايو آھي.
ڀارتي ميڊيا رپورٽس موجب، سواستيڪا جو تعلق ڀارت جي بنگالي ۽ ھندي سينيما سان آھي، اداڪارا جو چوڻ آھي تھ پروڊيوسر سنديپ سرڪار کيس اي ميل تي غير اخلاقي تصويرون ٺاھي موڪليو ۽ تصويرون وائرل ڪرڻ جي ڌمڪي ڏني آھي.
اداڪارا پروڊيوسر ۽ سندس ساٿين خلاف پوليس ۾ رپورٽ داخل ڪرائي آھي، سواستيڪا مکرجي پوليس کي ٻڌايو تھ سنديپ کيس چيو تھ ھو امريڪي شھري آھي، جيڪڏھن سھڪار نھ ڪيو تھ ھو امريڪي قونصليٽ سان ڳالھائيندو ۽ ان بعد سواستيڪا کي ڪڏھن بھ امريڪا جي ويزا نھ ملي سگھندي.
