سوڊان ۾ فوج ۽ پيرا ملٽري فورس ۾ چڪرين سبب پرڏيهي سفارتڪارن ۽ شهرين جي نڪرڻ جو سلسلو جاري آھي.
سعودي عرب، آمريڪا، فرانس، برطانيه ۽ ٻين ملڪن پنهنجي سفارتڪارن ۽ شهرين کي سوڊان مان ڪڍي ورتو آھي.
پرڏيهين کي هوائي، سامونڊي ۽ زميني رستن کان ڪڍيو پيو وڃي، خرطوم ريجن جي ايئر پورٽ تان نڪرڻ جو آپريشن جاري آهي.
پرڏيهي خابرو اداري موجب سعودي عرب پنهنجن 91 شهرين ۽ ٻين ملڪن جي 66 شهرين کي سوڊان مان ڪڍي ورتو آھي، جڏهن ته آمريڪا آچر جي رات خرطوم مان 100 جي لڳ ڀڳ سفارتي عملي کي واپس گھرائي ورتو آھي، پر هزارين آمريڪي شهرين جن ۾ ٻٽي شھريت رکندڙ ماڻهو به شامل هئا، اڃا تائين سوڊان ۾ ڦاٿل آهن.
رپورٽ موجب فرانس ٻن مرحلن ۾ سوڊان مان پنھنجي 200 شھرين کي واپس گھرائي ورتو آھي، برطانيا به پنهنجي سفارتي عملي کي سوڊان مان ڪڍي ورتو آھي.
واضح رهي ته سوڊان ۾ فوج ۽ پيرا ملٽري فورسز وچ ۾ چڪرين دوران هينئر تائين 400 کان وڌيڪ ماڻهو مارجي ويا آهن، جڏهن ته هزارين زخمي ٿي پيا آهن.
