عوامي مسلم ليگ جي سربراهه شيخ رشيد احمد چيو آهي ته سياست دشمني جو رنگ اختيار ڪري چڪي آهي جنهن جا نتيجا سنگين نڪرندا، ڳالهيون سپريم ڪورٽ کي دوکو ڏيڻ جو هڪ بهانو آهي، 10 مئي تائين آر يا پار ٿي ويندو، حڪمران رليف ۾ عوام تڪليف ۾ آهي.
سماجي رابطن واري ويب سائيٽ ٽوئيٽر تي جاري ڪيل ٽوئٽ ۾ شيخ رشيد چيو ته پرويز الاهي جي گهر ۾ جيڪو ڪجهه ٿيو اهو نگران وڏي وزير جو ڪيل آهي.
سندس چوڻ هو ته سعودي عرب وڃڻ هڪ بهانو آهي اصل ۾ آصف علي زرداري جي هدايت تي پرويز الاهي نشانو آهي، جڏهن دروازا بڪتربند گاڏين سان ٽوڙيا ويندا ته ووٽ به تندور ۾ پوندا.
عوامي مسلم ليگ جي سربراهه شيخ رشيد چيو آهي ته حڪومت جو ايندڙ نشانو سندن لال حويلي آهي پر ان جي نتيجن لاءِ به تيار رهن، هو هاءِ ڪورٽ مان ڪيس کٽي چڪو آهي، اڪيلو رهندو آهيان جيڪڏهن ماريو ويس ته 8 ماڻهن جا نالا لاڳاپيل ادارن کي لکي ڏئي ڇڏيا آهن، خاقان عباسي اٽي جي چوري تي 20 ارب رپين جو حڪومت تي الزام لڳايو آهي، اٽي جي لائنن ۾ 20 ماڻهو فوت ٿي ويا آهن.
